सल्यानमा मन्दिर भित्र लगी ८ वर्षीय भान्जको हत्या

सल्यानमा धारिलो हतियार प्रयोग गरी ८ वर्षीय बालकको हत्या भएको छ । जिल्लाको बनगाड कुपिण्डे नगरपालिका १० माझकाँडाका ३४ वर्षीय डम्बर पुरीले आफ्नै भान्जा  ८ वर्षीय भिजन घर्तीको धारिलो हतियार (हसिँया) प्रयोग गरी हत्या गरेको जिल्ला प्रहरी कार्यालय सल्यानले जनाएको छ ।

आइतबार दिउँसो पुरीले  आफ्नै घर  आगनमा रहेको मन्दिर भित्र लगी बालकको हत्या गरेको स्थानीय थाहा पाएपछि स्थानीयले प्रहरीलाई खबर गरेका थिए । हत्या गर्ने पुरीलाई नियन्त्रणमा लिइएको जिल्ला प्रहरी कार्यालय सल्यानका सूचना अधिकारी गोपाल प्रसाद श्रेष्ठले जानकारी दिनु भयो ।

स्थानीयले भने पुरी मानसिक रुपमा ठिक नभएको र विगत केही महिना देखि औषधी सेवन गरी रहेको जनाएका छन् । पुरीको मानसिक अवस्था ठिक भएनभएको उनको स्वास्थ्य परीक्षण पछि मात्र थाहा हुने श्रेष्ठको भनाई छ । बालकको शव मन्दिर भित्र जमिन मुनी गाडेको अवस्थामा फेला परेको प्रहरीले जनाएको छ ।