बागचौर नगरपालिकाले सञ्चालनमा ल्यायो २५ शय्याको आइसोलेसन

   
त्रिवेणी अनलाइन
५ जेष्ठ २०७८, बुधबार ०९:२४ मा
[Sassy_Social_Share total_shares="ON"]

जिल्लाको बागचौर नगरपालिकाले २५ शय्याको अक्सिजन सहितको आइसोलेसन सञ्चालनमा आएको छ । कोरोनाबाट संक्रमित बिरामीको उपचार गर्न नगरपालिकाले आफ्नै नयाँ भवनमा आइसोलेसन निमार्ण गरेको हो ।

आइसोलेसनमा ३८ वटा ठूला अक्सिजन सिलिन्डर र ५ वटा अक्सिजन कन्सन्ट्रेटर जडान गरिने मेयर लोकमान बुढाथोकीले बताए । अहिले ८ वटा सिलिन्डर सञ्चालनमा ल्याएको र बाँकी आउँदै गरेको उनको भनाई छ ।

नगरपालिकाले निमाण गरेको आइसोलेसनमा २० वटा अक्सिजन सिलिन्डर आफ्नो व्यक्तिगत रुपमा उपलब्ध गराउने समेत मेयर बुढाथोकीले बताए । अहिले ८ वटा सिलिन्डर आइसकेको र बाँकी १२ वटा सिलिन्डर आउँदै गरेको उनको भनाई छ । आफूले पाउने  तलव सामाजिक काममा लगाउने बताउँदै आएका बुढाथोकीले यस अघि कोरोना रोकथाम तथा उद्धारमा ४ लाख ५० हजार जम्मा गरेको बताएका छन् ।

हालसम्म कोरोनाबाट सबैभन्दा धेरै बागचौर नगरपालिकाका नागरिकको मृत्यु भएको छ ।
यस्तै मेयरले ६० हजार पिस सर्जिकल मास्क, र ३ सय पिस एक एन ९५ मास्क खरिद गरेको बताएका छन् । बागचौर नगरपालिकालाई ४१ हजार २ सय ५० पिस मास्क, १ हजार ७ सय २८ पिस साबुन र स्यानिटाइजर उपलब्ध गराएको बताएका छन् । अन्य मास्क आवश्यकता अनुसार नगर र जिल्लामा कार्यरत स्वास्थ्यकर्मी, सुरक्षाकर्मी, पत्रकार लगायतलाई कोरोनाको समयमा अग्रभागमा रहेर काम गर्नेलाई प्रदान गर्ने बताएका छन् ।

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu