दाङबाट रुकुम जाँदै गरेको ट्रक साततलेमा दुर्घटना ४ जना घाइते

साउन २४, सल्यान । दाङ तुलसीपुर देखि खाद्यान्न लिएर रुकुम जाँदै गरेको ट्रक दुर्घटना हुँदा ४ जना घाइते भएका छन् । शनिवार बिहान ५ बजेतिर लु १ ख ४३६६ नम्वरको ट्रक राप्ती राजमार्ग तुलसीपुर उपमहानगरपालिका ४ सात तलेस्थित खोलाको पुलबाट तल खसेको हो ।

दूर्घटनामा परि ट्रकका चालक तुलसीपुर उपमहानगरपालिका वडा नं। ७ निवासी ३१ बर्षीय गणेश विक, सोही ठाउँ निवासी ३२ बर्षीय इश्वर चन्द, ४० बर्षीय नातिराम चौधरी र ट्रकका सहचालक सल्यान बागचौर नगरपालिका निवासी २१ बर्षीय रोषण सुनार घाइते भएका छन् ।

घाइते मध्य चन्द र सुनारको अवस्था गम्भीर रहेको इलाका प्रहरी कार्यालय तुलसीपुरले जनाएको छ। घाइते सबैलाई उद्धार गरि बिहान साढे ७ बजेतिर तुलसीपुरस्थित राप्ती प्रादेशिक अस्पतालमा ल्याएर प्रारम्भीक उपचार पछि तत्कालै थप उपचारका लागि बाँकेको कोहलपुर मेडिकल कलेजमा रेफर गरिएको छ ।