अलपत्र ३ सय नागरिकको युवाहरुले गरे निशुल्क उद्धार

वैशाख ११, सल्यान 
             रोजगारी तथा व्यवसायका लागि काठमाण्डौ लगायत विभिन्न जिल्ला पुगेका नागरिकहरुलाई सल्यान ल्याइएको छ । लकडाउनका कारण घर जना नपाएका ३ सय बढी नागरिकहरुको उद्दार गरी सल्यान ल्याइएको हो ।

काठमाडौसहित देशका विभिन्न स्थानमा रहेका ३ सय बढी नागरिकहरुलाई युवा नेता ऋषिकेश जङ्ग शाहको नेतृत्वमा उद्दार गरिएको हो । जिल्लाको शारदा नगरपालिका, युवा अभियन्ता प्रनेश जङ्ग शाह, कल्पदिप राई लगायतका सहयोगी निकायको प्रयासमा उनिहरुलाई उद्दार गरिएको हो ।

काठमाडौसहित, धादिङ्ग, पोखरा, लमजुङ्ग लगायतका स्थानबाट समस्यामा परेका मजदुर तथा सर्वसाधारणको उद्दार गरिएको हो । उद्दारका नाममा पछिल्लो समय अत्याधिक भाडा असुलेका घटनाहरु बाहिर आईरहदा निस्शुल्क जिल्ला फर्कन पाएपछी सर्वसाधारण पनि खुशी बनेका छन ।

घर फर्किएका सबैलाई क्वारेनटाइन, सामुदायिक क्वारेनटाइन र होम क्वारेनटाइनमा राखिएको छ । जिल्लाको दशवटै स्थानीय तहहरुले भारत, तथा अन्तरजिल्लाबाट आएका व्यक्तिको स्वास्थ्य परीक्षण गर्ने, तथा क्वारेनटाइनमा राख्ने काम गर्दै आइरहेका छन् । कामको शिलशिलामा विभिन्न जिल्लाबाट घर फर्किएका व्यक्तिहरुलाई क्वारेनटाइनमा राखी रहेको शारदा नगरपालिका सल्यानका मेयर सुरेश अधिकारीले बताए ।