जिल्ला अस्पताल सल्यानको क्वारेन्टाइनमा ५ जना: कोरोना परिक्षणका लागी नमुना संकलन गरिदैँ

   
त्रिवेणी अनलाइन
१७ चैत्र २०७६, सोमबार ०८:४३ मा
[Sassy_Social_Share total_shares="ON"]

सल्यान १७, चैत ।
जिल्ला अस्पताल सल्यानको क्वारेन्टाइनमा एकै परिवारका ५ जनालाई राखिएको छ । जिल्लाको बन्गाड कुपिण्डे नगरपालिका वडा नम्बर १२ निगालचुँला, माझखर्कमा ज्वरो आउने लगाएतका लक्षण देखिएपछि एकै घरका पाँच जनालाई जिल्ला अस्पताल सल्यानको क्वारेन्टाइनमा राखिएको हो । उनीहरुलाई गएराती ९ वजे तीर अस्पतालमा ल्याईएको हो ।

भारतको सिम्ला, रुरुमा मजदुरी गरेर गत चैत १० गते घर फर्किएका ३६ बर्षिय पुरुषलाई घर आएपछि ज्वरो आउने, टाउको दुख्ने शुरु भएको थियो । उनलाई ज्वरो सन्चो नभएपछि घरमा रहेका २७ बर्षिया श्रीमती, ११ बर्षिया छोरी, ८ बर्षिय र ५ बर्षिय छोरालाई समेत अस्पतालको क्वारेन्टाईनमा राखिएको छ ।

तर ३६ बर्षिय पुरुषमा सामान्य ज्वरो आउने लक्षण भएपनि अन्यमा कुनै समस्या नभएको स्वास्थ्य सेवा कार्यालय सल्यानका प्रमुख डा. अर्जुन कुमार वुढाले जानकारी दिनुभयो । ‘सबैको अबस्था सामान्य छ, भारतबाट फर्किएका पुरुषमा मात्रै ज्वरोसँग मिल्दो जुल्दो लक्षण छ’ उहाँले भन्नुभयो ।

उहाँका अनुसारमा ती पुरुषमा कोरोनाको संक्रमण भए नभएको बारेमा पत्ता लगाउन आज नमुना संकलन गरिदैँ छ । प्रदेश सरकारले नमुना संकलन गर्नको लागी टोली आज सल्यान अस्पतालमा पठाउन लागेको हो । परिक्षणका लागी पठाएको नमुनाको रिपोर्ट नआएसम्मको लागी ती पाँचै जना जिल्ला अस्पतालमा रहेको क्वारेन्टाईनमा बस्ने छन् ।

बनगाड कुपिण्डेका पाँच जनामा ज्वरो आएपछि जिल्ला अस्पताल ल्याइदै

तपाइँको प्रतिक्रिया

हाम्रो टीम


प्रबन्धक
उत्तर कुमार साहु
सम्पादक
गणेश चन्द

हाम्रो सामाजिक संजाल


हाम्रो बारेमा


  शारदा नगरपालिका १ श्रीनगर सल्यान

 9868285255 , 9845578104, 9810803688

 onlinetribeni@gmail.com

 info@tribenionline.com

Copyright © २०१९ - २०२१ TribeniOnline.com | सर्वाधिकार सुरक्षित
Developed By : WebBisu