तुलसीपुरमा अटोले मोटरसाइकललाई ठक्कर दिदा २ जना घाइते

पूर्ण के.सी. । असोज २५, दाङ । दाङमा अटोले ठक्कर दिदा एक बालक सहित २ जना घाइते भएका छन् ।

घाइते हुनेमा तुलसीपुर–८ कृष्णमन्दीर निबासी मोटरसाईकल चालक १९ बर्षका छबि डाँगी र बाईक पछाडी बसेका ९ बर्षका बालक अमृत विक रहेको ईलाका प्रहरी कार्यालय तुलसीपुरले जानकारी दिएको छ ।

घाइते दुबैजनाको राप्ती प्रादेशिक अस्पताल तुलसीपुरमा उपचार भइरहेको छ ।

तुलसीपुर तर्फ आउँदै गरेको बा२३प ९६६७ नम्बरको मोटरसाईकललाई शान्तिदिप बोडीङ स्कुल नजिकै रा१ह ३९६७ नम्बरको अटोले ठक्कर दिएको थियो ।

ठक्कर दिए लगत्तै भागेका अटो चालक जुद्धबहादुर विकलाई स्थानीयले कृष्णमन्दीरबाट अटो सहित नियन्त्रणमा लिएर प्रहरीलाई बुझाएका थिए ।

अटो चालकले मादक पदार्थ सेवन गरेकाले दुर्घटना भएको प्रहरीको भनाई छ ।